АЖӘАБЖЬҚӘА

Аҟәа. Жьҭаарамза 24, 2021 шықәса. Аԥсныпресс. Гәдоуҭа араион Апрокуратура Аԥсны Аҳәынҭқарра Ашьаустә закәанеидкыла ахәҭаҷ 99, ахәҭа         1, ахәҭаҷ 217 ахәҭа 2 инарықәыршәаны Ԥачалиа Р.Т. иарбоу ашьаус егьырҭ афигуранцәеи рганахьала аусеилыргара хацнаркит, ҳәа адырра ҟанаҵоит Апрокуратура Хада аофициалтә саит. 

Аҟәа. Жьҭаарамза 22, 2021 шықәса. Аԥсныпресс.  Иҳаҩсыз уахыки-ҽнаки рыла акоронавирустә ҿкы чымазара азы агәаҭара иахысит 529 -ҩык, COVID-19 азы адиагноз 160-ҩык рҿы  ишьақәыргылоуп, ҳәа адырра ҟанаҵоит ауааԥсыра акоронавирустә ҿкы чымазара рацәыхьчара азы Аоперативтә Штаб.

Гәдоуҭатәи араионтә хәышәтәырҭа Хада  аҿы ишьҭоуп  97  – ҩык апациентцәа, 22 -ҩык ргәабзиара аҭагылазаашьа акыр иуадаҩуп, 51 -ҩык апациентцәа рҭагылазаашьа бжьаратәуп. Аҟәатәи аинфекциатә хәышәтәырҭа аҿы ишьҭоуп 36-ҩык апациентцәа, 10-ҩык ргәабзиара аҭагылазаашьа акыр иуадаҩуп, Очамчыратәи араионтә хәышәтәырҭа Хада аҿы – 23-ҩык, Гагратәи араионтә хәышәтәырҭа Хада аҿы – 33, 6-ҩык, ргәабзиара аҭагылазаашьа акыр иуадаҩуп, Ҭҟәарчалтәи араионтә хәышәтәырҭа Хада аҿы ишьҭоуп – 15  - ҩык апациентцәа. Аҟәа ақалақь аҿы аус зуа Урыстәылатәи арратә хәышәтәырҭа аҿы ишьҭоуп  87 -ҩык апациентцәа, урҭ рахьынтә  12–ҩык ргәабзиара аҭагылазаашьа акыр иуадаҩуп. Гәдоуҭатәи аковидттә хәышәтәырҭа аҿы рыԥсҭазаара иалҵит х-ҩык апациентцәа -  88  шықәса зхыҵуаз аԥҳәыси  52 шықәсеи 62 шықәсеи зхыҵуаз ҩыџьа ахацәеи.

 Аҟәа. Жьҭаарамза 22, 2021 шықәса. Аԥсныпресс.   Аԥсны Аҳәынҭқарра Ахада Аслан Бжьаниа 2020-2022 шш. Аԥсны Аҳәынҭқарра асоциалтә-економикатә ҿиара азы аинвестициатә программа анагӡара иазкны инарҭбааны аилатәара мҩаԥигеит. Уи иалахәын Аҳәынҭқарра Ахада ихаҭыԥуаҩ Бадра Гәынба, аԥыза-министр Алеқсандр Анқәаб, Аҳәынҭқарра Ахада Иусбарҭа  Анапхгаҩы Алхас Кәыҵниа, аиҳабыра Реилазаара алахәцәа, араионқәеи ақалақьқәеи радминистрациақәа рхадацәа, аргыларатә фирмақәа рхаҭарнакцәа. Аинвестициатә Программа анагӡашьа азы адыррақәа ҟаиҵеит Шьаҭанкылатәи аиҭашьақәыргыларазы Аусбарҭа анапхгаҩы Ҭемыр Агрба.  Уи аобиектқәа зегьы инарҭбааны аинформациа ҟаиҵеит, иҟоу ауадаҩрақәа дырзааҭгылеит. Зынӡа иааизакны ҳазҭоу ашықәс азы апрограмма ала афинанстәра алимит  1 млрд 350 млн мааҭи рҟынӡа азԥхьагәанаҭоит, урҭ рахьынтә ахархәара аиуит аусурақәагьы мҩаԥгоуп 700 млн мааҭ рҟынӡа. Аҳәынҭақарра Ахада аԥсуа ган ала иаанхаз аԥара аицҵалыҵ ҳазҭоу ашықәс нҵәаанӡа ахархәашьа аҭара залыршахома ҳәа азҵаара ҟаиҵеит. Уи аԥыза-министр ихаҭыԥуаҩ, аекоономика аминистр Кристина Озган лахь иҟоу аҭагылазаашьа аилыркааразы аҳәара ҟаиҵеит.  

Кристина Озган 2020-2022 шш. Аԥсны Аҳәынҭқарра асоциалтә-економикатә ҿиара азы аинвестициатә программа анагӡараан  апсуа ган аҿаԥхьа ицәырҵуа апроблемақәа дырзааҭгылеит. Афинанстә лимит аҳәаақәа ирҭагӡаны иазгәаҭоуп 44 усмҩаԥгатә рынагӡара, азеиԥш ахә 1 млрд. 350 млн. мааҭ артәоит. Урҭ рахьтә,  аамҭеихшаратә усурақәа инарықәыршәаны, ҳазҭоу ашықәс азы афинанстә цхыраара инамаданы 32 обиект  рыҟны аусура хыркәшатәуп, 12 обиект рынагӡара азгәаҭоуп 2022ш. рзы. Арҭ еиҭаҵуа обиектқәоуп. Жьҭаарамза 21-тәи азгәаҭақәа рыла ҳазҭоу ашықәс азы иҟаҵаз афинанстә цхыраара иартәеит 392 млн.мааҭ.

Ашықәс нҵәаанӡа аргыларатә еиҿкаарақәа иаанхаз 450 млн.мааҭ рхы иадырхәароуп. Аԥарақәа харахәара ахьрыҭам зыхҟьаз  апроект-харџьынҵатә документациа аиҭахәаԥшра ахьаҭаххаз ауп, - ҳәа иазгәалҭеит аԥыза-министр ихаҭыԥуаҩ, аекономика аминистр Кристина  Озган. 

«2020, 2021 шш. рыҩныҵҟа апроект-харџьынҵатә документациа аханатәтәи ахәԥса иадҳәалам аиҭакрақәа алаҳгалароуп, изыԥсаз иадҳәалаз акәымкәа, егьи аобиектқәа жәпакы рзы ишьақәыргылаз апроект-харџьынҵатә документациа агхақәа ахьамаз иахҟьаны ауадаҩрақәагьы цәырҵит», - ҳәа илҳәеит Кристина Озган.

Аҳәынҭқарра Ахада апроектқәа реиқәыршәара знапы ианыдаз ҳәа азҵаара ҟаиҵеит. Кристина Озган уи аҭак ҟаҵо апроектқәа анардкылаҩцәа, убри аан аԥснытәи еиԥш урыстәылати анардкылаҩцәа ракәын ҳәа иазгәалҭеит.  Уи ари аҭагылазаашьа аинвестициатә программа ҿыц  аҳәаақәа ирҭагӡаны анардкылаҩцәа рыдкылараан ҳабас азухоит ҳәа иазгәалҭеит. Аминистр Аҳәынҭқарра Ахада илҳәеит ари азҵаара Аиҳабыразинтәкомиссиаҟынгьы ишышьҭыхыз. Урыстәылатәи Афедерациаҟынгьы ари атема актуалтәуп, избанзар аргыларатә маҭәахәқәа рыхәқәа рыҟны акырӡа аԥсхарақәа ҟалеит. «Уаанӡа апроект-харџьынҵатә документациа шьақәыргылан аресурстә метод ала. 2020 шықәса инаркны абазистә-индекстә метод ала апроект-харџьынҵатә документациа ашьақәҳаргыларахь ҳаниас, ас еиԥш иҟаз аҭагылазаашьа ахәԥса ашьақәыргылараҟны анырра ӷәӷәаны ианаҭеит. Ари иаанаго, иаагозар, ахәԥса аиндекс ахархәарала абазис шьаҭас иаҭаны ишьақәыргылахоит. Ахархәаратә метод   алшара ҟанаҵон ахарџьынҵатә хәыԥса аргыларатә материал аазгоз рыҟны ишьақәгылоз ахәԥса шьаҭас иаҭаны. Урыстәылагьы абазис индекстә метод ахь ииасит. Ас еиԥш аметод хархәара аиулар, аԥхьаҟагьы еснагь ахарџьынҵатә документациа актуалра аганахьала ауадаҩрақәа цәырҵлоит», - ҳәа иазгәалҭеит лара.

"Иахьатәи аиԥылара ахара адҵареи аусура амхреи ракәӡам изызку. Иахьа сшәацәажәарц сыӡбеит иҟоу ауадаҩрақәа еилыскаарц азы. Ауадаҩра ахәҭак убартә иҟоуп. Абри аамҭа иалагӡаны 2021 шықәса рзы ахәқәа акыр ишьҭыҵит. Убри аҟынтә зегьы ҳаиҭарыхәаԥшроуп. Ахԥатәи амзыз, аванстә шәатәқәа аобиектқәа рыхәԥсақәа рыла акәымкәа, ашықәс алимит аҟынтә акәхеит. Арҭ зегьы аусура аԥырхага анаҭоит. Апрограмма хышықәса ҳәа ишьақәыргылоуп, ҳара ҩышықәса ҵуеит ари ҳалацәажәоижьҭеи. Иҟаҵатәуи урҭ аԥырхагақәа раԥыхразы? Ҳарҭ Урыстәылаҟа аҳәара ҟаҳҵеит афинанстә цхыраара иацырҵарц. Ҳажәа иақәшаҳаҭхеит. Иҳалшома аԥарақәа ииашаны рхархәара?", - ҳәа дҵааит Аҳәынҭқарра Ахада.

Аҟәа. Жьҭаарамза 22, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны араионқәеи ақалақьқәеи радминистрациақәа рхадацәа алархәны аиԥылара мҩаԥигеит.

Аиԥылара иалахәын Ахада Ихаҭыԥуаҩ Бадра Гәынба, Ахада Иусбарҭа Анапхгаҩы Алхас Кәыҵниа, аԥыза-министр Алеқсандр Анқәаб, афинансқәеи аекономикеи рминистрцәа Владимир Делбеи Кристина Озгани, ашәахтәқәеи аизгақәеи рминистр Џьансыхә Нанба.

Ирылацәажәан ашәахтәқәа реизгараҟны иҟоу аҭагылазаашьа, уи амҩаԥысшьа, афымцамч азы ауал аҩаӡара, Аинвестициатә Программа аҳәаақәа ирҭагӡаны ишьақәдыргыло аобиектқәа ирызку, амҩатә инфраструктура, аӡымҩангара, ацрыҵцарҭақәа; априватизациа зызу аобиектқәа иахьатәи рҭагылазаашьеи араионқәа рыҟны аинвестициақәа радԥхьалареи, COVID--19 ачымазараҿкы инамаданы атәылаҿы иҟоу аҭагылазаашьеи аҭыԥантәи амчрақәа уи аиӷьтәразы имҩаԥырго аусқәеи ирызку азҵаарақәа.

АҞӘАТӘИ АМҨАДУҚӘА ХԤА РЫҞНЫ АИҬАШЬАҚӘЫРГЫЛАРАТӘ УСУРАҚӘА ҲАЗҬОУ АШЫҚӘС  НҴӘААНӠА  ИХЫРКӘШАХОИТ.

Аҟәа. Жьҭаарамза 22, 2021 шықәса. Аԥсныпресс.  Аҟәа ақалақь, Гәлиа, Џьонуа, Абазаа амҩадуқәа рҿы 2020 – 2022 шш. Аинвестициатә Программа аҳәаақәа ирҭагӡаны имҩаԥысуа  аиҭашьақәыргыларатә усурақәа ҳазҭоу ашықәс хыркәшахаанӡа инагӡахоит.  Абри азы асоциал-економикатә ҿиаразы Аинвестициатә Программа анагӡара азҵаарақәа ирызкны имҩаԥгаз аилатәара аҿы адырра ҟаиҵеит Шьаҭанкылатәи Аиҭашьақәыргыларазы Аусбарҭа анапхгаҩы Ҭемыр Агрба.

Аҟәа. Жьҭаарамза 22, 2021 шықәса. Аԥсныпресс. Аԥсны Аҳәынҭқарра Ахада Аслан Бжьаниа ихантәаҩрала инарҭбааны имҩаԥысыз аилатәара Аԥсны Аҳәынҭқарра асоциалтә-економикатә ҿиаразы Аинвестициатә Программа анагӡара иазкын.

Уи иалахәын Аҳәынҭқарра Ахада ихаҭыԥуаҩ Бадра Гәынба, аԥыза-министр Алеқсандр Анқәаб, Аҳәынҭқарра Ахада Иусбарҭа  Анапхгаҩы Алхас Кәыҵниа, аиҳабыра Реилазаара алахәылацәа, араионқәеи ақалақьқәеи радминистрациақәа рхадацәа, аргыларатә фирмақәа рхаҭарнакцәа.

Шьаҭанкылатәи аргылара Аусбарҭа анапхгаҩы Ҭемыр Агрба аилатәара иалахәыз зегьы 2020 – 2022 шш. Аинвестициатә Программа анагӡара шымҩаԥысуа азы адырра риҭеит.

ЖЬҬААРАМЗА 2000 ШЫҚӘСА РААХЫС ЗЫԤШААРА МҨАԤЫСУАЗ БЕСЛАН ҚӘҬАРБА ДААНКЫЛОУП.

Аҟәа. Жьҭаарамза 22, 2021 шықәса. Аԥсныпресс.  Жьҭарамза 21, 2021 шықәса рзы Гәылрыԥшь араион апрокуратура нанҳәамза  4, 2000 шықәса рзы Буава Д.М. иԥаареи автомашьына аӷьычреи, амилициа аусзуҩ иԥсҭазаара ашәарҭара аҭаргылареи изакәанымкәа иҭҟьо абџьар аҵәахреи аныҟәгареи иадҳәалоу афакт ала 1971 шықәса рзы ииз  Кәҭарба Беслан Валикәа-иԥа иганахьала ихацыркыз ашьаусеилыргара ала заанаҵтәи аусеилыргара ҩаԥхьа иалагеит. Абри азы адырра анылт Аԥсны апрокуратура Хада аофициалтә саит.    

Жьҭаарамза 25, 2000 шықәса рзы иарбоу ашьаусеилыргара аҳәаақәа ирҭагӡаны Кәҭарба Б.В. иԥшаара хацыркын, уи латәарада  ахьырхәрас изалхын аҭакра.

 Аҟәа. Жьҭаарамза 21, 2021 шықәса. Аԥсныпресс. Жьҭарамза 21 рзы Ҟарачы-Черкессиатәи Ареспублика аул Ԥсыж аҿы Аԥсны Жәлар Реизара-Апарламент Аиҳабы, афилологиатә наукақәа ркандидат Валери Кәарҷиа аԥсуааи абазааи рҭоурыхи рбызшәеи ирызку инаукатә усумҭақәа реизга аӡыргара мҩаԥысит.    

Аусмҩаԥгатә рхы аладырхәит Ҟарачы-Черкессиатәи Ареспублика акультура аминистр Зураб Агирбов, ҞЧА Анапхгара аҟны иҟоу агуманитартә ҭҵарақәа Ринститут адиректор  Рамазан Тхагапсов, аинститут аусзуҩцәа, аветерантә еиҿкаара, аинтеллигенциа, ауажәларра рхаҭарнакцәа.

Аҟәа. Жьҭаарамза 21, 2021 шықәса. Аԥсныпресс.   1992-1993 шш. Аԥсны  Аџьынџьтәылатәи еибашьра гәыԥҩык аветеранцәа аԥшьаша, жьҭаарамза  21 рзы Аԥсны Аҳәынҭқарра амассатә информациа ахархәагақәа русзуҩцәа Рассоциациа аплошьадка аҿы имҩаԥгаз абрифинг аҿы гәыԥҩык аветеранцәа апротесттә акциа амҩаԥгараз аҽазыҟаҵара ишалаго азы аҳәамҭа ҟарҵеит.   

Абрифинг рхы аладырхәит аибашьра аветеранцәа  Зураб Кокаиеи Дмитри Абыхәбеи  Апарламент адепутат Гиви Кәарҷиеи. Урҭ цәыббрамза  30 рзы     Амҳаџьыраа Рыԥшаҳәа аҿы иҟалаз аинцидент ашьҭахь атәыла аҩныҵҟатәи аусқәа рминистр Дмитри Дбар зыԥшра ҟамҵакәа иамхразы адҵа ықәдыргылеит.

Жәлар Реизара – Апарламент адепутат Гиви Кәарҷиа дзыԥхьаз аҳәамҭа атекст аҿы Аӡҩыбжьа ақыҭауаа иахьанӡа атәыла аҿы уеизгьы иуадаҩу аҭагылазаашьа еиҳагьы аибарххара ацәцара азы аибашьра аветеранцәеи Апарламент адепутати рыԥҟара иадҳәалоу ари ахҭыс аполитикатә ҟазшьа аҵаҵара рҭахӡамызт ҳәа иазгәаҭоуп. «Аха уи ашьҭахь иҟалаз ахҭысқәа урҭ аполитикатә хырхарҭа мацарала ишахәаԥштәу ҩаԥхьа идырҵабыргоит. Жьҭаарамза 4 рзы Аҳәынҭқарра Ахада амилициа аҟынтәи изакәанымкәа ааха зауз итәылауаа апрокурортә усеилыргара ада иара уаҳа илегитимтәу инструмент имам ҳәа ианреиҳәоз аамҭазы, атәыла анапхгара инанагӡо аполитика  иадгыло апартиақәа ҩба Апарламент адепутат Гарри Кокаиа ихымҩаԥгашьа иақәыӡбо, аҩныҵҟатәи аусқәа рминистр Дмитри Дбар дфырхаҵазтәуа ааԥхьара атекст аиқәыршәара иаҿын», - ҳәа инаҵшьны иазгәаҭоуп иарбоу аҳәамҭа аҿы.

Аветеранцәа Рхеилак аҿы Аҳәынҭқарра Ахада ишәарҭоу ацәгьаршра, апровакациақәа, атәыла  аҩныҵҟа аҭагылазаашьа аҭышәынтәалара шьақәзырҟьо амҩа дықәгылеит ҳәа агәаанагара ыҟоуп.

Аҟәа. Жьҭаарамза 21, 2021 шықәса. Аԥсныпресс. Аԥшьаша, жьҭаарамза  21 азы иаатит Алада-Урыстәылатәи Апарламенттә Ассоциациа (ЮРПА) XXXV Аконференциа.  

Уажәы Алада-Урыстәылатәи Апарламенттә Ассоциациа Ахантәаҩыс иҟоу Ареспублика Ҟрым Аҳәынҭқарратә Хеилак Ахантәаҩы Владимир Константинов иҟаиҵаз ажәалагала ала,  аконференциа амҩаԥгаразы иарбоу аформат аҵыхәтәантәи аамҭазы COVID-19 иахҟьаны ишьақәгылаз асанитар-епидемиологиатә ҭагылазаашьа инамаданы ашәарҭарақәа реиҵатәра хықәкыс иҟаҵаны Ассоциациа алахәылацәа зегьы ақәаршаҳаҭны ишьақәыргылан.  

ПАРЛАМЕНТ-НАРОДНОЕ СОБРАНИЕ РА<br>Официальный сайт
АГЕНТСТВО ПРАВИТЕЛЬСТВЕННОЙ СВЯЗИ РА<br>Официальный сайт
АДМИНИСТРАЦИЯ ПРЕЗИДЕНТА РЕСПУБЛИКИ АБХАЗИЯ<br>Официальный сайт
МЧС РЕСПУБЛИКИ АБХАЗИЯ<br>Официальный сайт
КАБИНЕТ МИНИСТРОВ РЕСПУБЛИКИ АБХАЗИЯ<br>Официальный сайт
МИНЗДРАВ РЕСПУБЛИКИ АБХАЗИЯ<br>Официальный сайт
МИНИСТЕРСТВО ИНОСТРАННЫХ ДЕЛ РЕСПУБЛИКИ АБХАЗИЯ<br>Официальный сайт
ГЕНЕРАЛЬНАЯ ПРОКУРАТУРА РЕСПУБЛИКИ АБХАЗИЯ<br>Официальный сайт
АКАДЕМИЯ НАУК АБХАЗИИ ГОСУДАРСТВЕННОЕ НАУЧНОЕ УЧРЕЖДЕНИЕ «СУХУМСКИЙ ФИЗИКО – ТЕХНИЧЕСКИЙ ИНСТИТУТ»
СУХУМ<br>Официальный сайт
МВД РЕСПУБЛИКИ АБХАЗИЯ<br>Официальный сайт
AUSURA.SU<br>Биржа труда
Яндекс.Метрика

Login to your account

Username *
Password *
Remember Me